خدعوك فقالوا متحكمش على كتاب من الغلاف بتاعه  Don't judge a book by it's cover

عزيزي القارئ، تعالى نتكلم مع بعض بصراحة، بيني وبينك يعني هل فعلاً أنا وأنت مبنبنيش أحكام مبسقة بناءاً على المظهر؟
كلنا بشكل غير واعي مننا وبنبني جوا عقلنا احكام سطحية بناءاً على اللي بنشوفه ده بطبيعة حالنا كا بشر وبعدين ممكن الاحكام دي تتغير حسب التعامل وممكن لأ.

يعني إيه الكلام ده؟ يعني ببساطة شديدة وأنت ماشي في الشارع تفتكر إيه السبب اللي خلاك تقف قدام يافطة أو إعلان معين عشان تقراه؟ إنه استحوذ على انتباه عينك صح؟ وبناءاً على  اللي عينك شافته، عقلك بيقرر إذا كان مهتم يعرف أكتر ولا لأ.
فا اتباعاً لمثال سمعته زمان " لا تعطني سمكة وإنما علمني كيف اصطاد"، فا أنا في المقالة هدردش معاك شوية عن ازاي كدكتور مجال الماركيتنج Marketing مفيد جداً ليك وتقدر تستفاد منه بشكل عمرك ما هتتخيله، وهشرحلك بالتفاصيل يعني ايه الدكتور بيبان من عنوانه وايه حكاية البراندينج وعلاقته بالمجال الطبي.

إيه هو البرانيدنج؟ لسنا الوحيدون ولكننا متميزون..

البراندينج Branding هو عملية خلق الصورة الذهنية اللي حابب عقل الناس يستحضرها في كل مرة هيسمع فيها عنك أو هيشوف اليافطة بتاعتك، وعشان ابسطلك الموضوع اكتر، تعالى نتعامل مع اليافطة دي على انها شخص تعرفه مثلاً، واحكيلي ازاي بتقدر تفرق بين حسن وحسين صحابك؟ أو بين منى ويمنى؟

 اللي بيفرق بينهم مش حرف ولا حرفين أكيد، أنا قصدي هنا كومبو الصفات بتاعت كل شخص فيهم اللي بتميزه عن باقي الناس، من شكله، ستايل لبسه، وطريقته في الكلام، وده بظبط ينطبق على البراند بتاعك، البراندينج هو الوسيلة اللي بتساعدك تدي معنى وروح للمنتج أو الخدمة اللي بتقدمها لجمهورك فيا تخليه يتعلق اكتر بيها أكتر، يأما تبقى بالنسباله حاجة بتقضي غرضها وخلاص وممكن يستبدلها في أي وقت بأي حاجة تانية، بس لأ أنت جاي عشان تحسسه بالقيمة اللي بتضافله لما بيختارك "أنت" على أي دكتور تاني.

Benefits of a Strong Brand Identity For Your business

هتسألني وتقولي طب وده اقدر اعمله ازاي؟ أنا هقولك..
كلمة السر هي في الـ Brand identity بتاعتك، وهي عبارة عن كل العناصر المرئية اللي بتقدر من خلالها تعبرعن شخصيتك كا دكتور وشخصية المكان بتاعك، زي ما قولنا انك هتبتدي تتعامل مع عيادتك على إنها براند، فا انت محتاج تخلق كيان وشخصية للبراند ده وتقول للناس من خلاله أنت مين وإيه القيمة اللي بتوعدهم بتقديمها Value proposition
فا وأنت بتبني هوية البراند بتاعك، محتاج تفكر كويس أنت عايز تقول إيه للناس، وعايزهم يحسوا بإيه تجاهك، يعني حابب تكون فورمال وتحسسهم بالجدية والعملية، ولا حابب تكون فريندلي وتقولهم إنك معاهم عالحلوة والمره؟

 وده مش بيكون بناءًا على اللي أنت عايزه بس، ده كمان بيكون حسب أنت عايز تكلم مين، يعني مين الجمهور اللي انت عايز توصله وإيه الطريقة اللي هو حابب يسمع بيها عنك وده اتكلمنا عنه قبل كده  في مقال تقدر من خلاله تعرف بالتفاصيل ازاي تكلم جمهورك باللغة بتاعته وازاي تقدر تحسسه انك فاهم آلامه كويس وإن عندك العلاج المناسب.
بس خلينا منروحش بعيد ونجاوبك على السؤال المهم "أنا كدكتور أقدر انفذ ده ازاي وهستفاد إيه؟"

ورقة وقلم واكتب ورايا يا دكتور:

الشعار المرئي Logo:

هرجع معلش وافكرك اننا هنتعامل مع شخصك كدكتور ومكانك على انهم البراند بتاعك، وهنتعامل مع البراند ده على  انه شخص حقيقي زيي وزيك، أنا عارف اني كررت ده كتير بس أنا حابب انك تتعود على الفكرة دي اكترومتنسهاش.
المهم تخيل تدخل على حد تلاقيه منغير وش وملامح؟ رعب مش كدة؟ هتطلع تجري أكيد

أهو هنا بقى اللوجو بيقوم بدور ملامح العيادة أو المستشفى أو المركز الطبي بتاعك اللي بتطلع تقابل بيه الجمهور، فا لازم تتأكد إنه يكون مناسب وبيعبر كويس عنك وعن الخدمة اللي بتقدمها وإنه ميبقاش قريب في الشبه من أي لوجو لأي براند تاني، عشان أكيد مش هتحب لما حد يشوف لوجو العيادة بتاعتك يفتكر حاجة تانية وانتباهه يتشتت وينساك، فا اللعبة هنا إنك تخلي الناس تفتكرك لما تشوف حاجات تانية شبه اللوجو بتاعك مش العكس.

most-famous-logos

وهنا طبعاً هنلاحظ إن كل براند متفرد بنوع اللوجو اللي مستخدمه، حسب المجال بتاعه وحسب الشخصية اللي بتعبر عنه لدرجة انك مش محتاج تبص مرتين عشان تفرق بينهم، من أول بصة هتعرف تفرق بين كل لوجو والتاني وبالرغم انهم محطوطين جنب بعض إلا إن كل لوجو فيهم له الهالة بتاعته اللي هتخطف عينك للحظة وتلاقي نفسك تلقائي بتفتكروبتحس بالقيمة اللي البراند ده بيقدمهالك.

هتقولي أنا دكتور واسمي علامة وبيتكلم عني، والحقيقة انه مختلفناش ابداً في النقطة دي، أنا هنا مبحاولش اقولك تستغنى عن اسمك أو انك محتاج حاجة تزود من قيمته، وانما أنا عايز اوضحلك طريقة اثبتت نجاحها بجدارة إنك تستعرض بيها قيمة اللي بتقدمه بشكل قوي ولافت للانتباه وكمان مين يكره يبقى عنده علامة تجارية يقدر يحطها على كل حاجة والناس كلها تشوفه، أنا جاي اساعدك تبروز اسمك بالشكل اللي يليق بيك ويعبر عنك ويسهل عليك إنك توصل للناس بشكل قوي وذو مصداقية.

اللون Color palette:

اختيار لون مناسب للعيادة بتاعتك ولتخصصك كا دكتور، هي واحد من أهم العناصر في بناء ال Brand identity بتاعتك، لأنها بتلعب دور مهم جدا من خلال التأثيرالسيكولوجي للألوان color psychology على مزاج وسلوك الناس، فا مينفعش تختار أي لون منغير ما تبقى عارف كويس إيه دلالات اللون ده وإيه الانطباع اللي هيسيبه على الناس اللي انت عايز توصلهم، ده غير إنه بيكمل معاك المعنى الللي حابب توصله من خلال اللوجو بتاعك.

وخليك ديماً فاكر إن الالوان اللي هتختارها هتكمل معاك فترة طويلة وهتستخدمها في كل حاجة تخص عيادتك أو مركزك الطبي، من أول اللوجو وديزاينات السوشيال ميديا لحد الكارت بتاعك وديزاين العيادة نفسه كمكان، كأنك بتخلق حالة فريدة وخاصة بيك تبني من خلالها علاقة ثقة بينك وبين جمهورك.

يعني مثلاً لو انت دكتور نفسي، هتختار ألوان بتولد الشعور بالثقة والمسؤولية والأمان وتكون برضو الوان مريحة للعين وتحسس نوعية الناس اللي بتتباعك انه مرحب بيهم تماماً، على عكس لو دكتور تغذية وتخسيس هتختار الوان بتعبرعن الحركة والاكل الصحي اللي هتساعد جمهورك يحس بالحماس تجاه خطوة تغييرأسلوب حياته عشان يقدر يوصل لشكل الجسم اللي هو عايزه وتكون انت بنسباله المكان الجدير بالثقة في إنه يساعده يحقق ده.

color psychology how do colors affect mood & emotions

الخط Font:

هتقولي وده كمان له انطباعات واختلافات؟ هقولك طببببعااا ده الاختلافات كلها فيه.
في أعداد كبيرة جداً من الخطوط المختلفة، وكل خط فيهم له شخصيته ودلالته، في خطوط بتعبرعن النفوذ والقوة وخطوط بتعبر عن الشياكة وخطوط بتعبر عن السرعة وخطوط بتعبر عن الكلاسيكية وخطوط شبابية بتعبر عن الحركة والحماس، فا الخط بيكون عنصر مهم بيكمل الحالة والشخصية البراند اللي انت بتبنيه.

Understand the personality traits of each font category
فا الاختيار هنا بتكون على اساس اعتبارات كتير، لما بيتجمعوا مع بعض بيخدموا الدعايا لشخصك كا دكتور personal marketing أو كا مركز طبي أو مستشفى زي ما كنا وضحنا في مقالة قبل كده 

طريقة الكلام Tone of voice:

بعد ما رسمنا المظهر العام لشخصية البراند بتاعك، عايزين دلوقتي نخلي الشخصية دي تبتدي تتكلم مع الناس، ولازم تكون عارف ان الشخصية دي طريقتها في الكلام بتتغير حسب ال Objective اللي بتحتاج توصله، وكمان حسب انت بتكلم انهي شريحة من المجتمع وهل هم كلهم ستات ولا رجالة ولا الاتنين مع بعض، هل هم شباب ولا كبار في السن.
خليني احكيلك مثال زي اتصالات، لما بتحب توجه كلامها للشباب واصحاب خطوط الكارت بتعمل انظمة باسماء زي " نظام حكاية" و "دماغ تانية"، لكن لما حبت تتكلم مع خطوط البيزنس عملت نظام اسمه Emerland.
فا كل مرة هتحتاج تفول حاجة للناس، هتحتاج تعرف الأول أنت عايز تقول ايه ولمين في إطار شكل الشخصية اللي انت عملتها للبراند.

دليل استخدام العلامة التجارية Brand guideline:

بص يا عزيزي الدكتور، بما اننا وصلنا للنقطة دي وانت لسه مكمل معايا وبتقرا فا لا اخفيك سرًا هقولك على حاجة توفر عليك وقت كبير  لو قررت تخوض تجربة ال Branding، وهي إنك أكيد مش كل مرة هتحب تكلف حد بشغل الماركتينج بتاعك هتقعد تشرحله ال Brand identity بتاعتك وأسبابك في اختيار كل عنصرمن اللوجو والالوان والخطوط، ده هياخد منك مجهود ووقت انت اولى بيهم، ده غير انه ممكن يخلينا نوصل لمشكلة زي إنه يحصل خلط ولغبطة، وخدها مني كلمة أنت مش هتحب تواجه صداع زي ده
فا زي ما كل حاجة وليها كتالوج عشان يتم استخدامها صح، فا انت كمان كا دكتور محتاج كتالوج للعلامة التجارية بتاعتك اللي بتكون مجمع فيها أصل وفصل اختيار كل حاجة من لوجو والوان وخطوط واسلوب الكتابة وعناصر التصميم اللي حابب تكون موجودة في الديزاينات بتاعتك أو حتى اللي حابب تستبعد استخدامها تماماً
وفي أمثلة كتير لبراندات كبيرة وقوية تقدر تفهم منها أكتر ازاي تخلق كدكتور دليل لحالة وشخصية كاملة تميز بيها عيادتك عن أي عيادة تانية.

القصة وما فيها:

اللي عايز اقولهولك إن في عالم ملئ باليفط والإعلانات، أنت كدكتور محتاج يكونلك فيه مكان، وعشان تاخد المكان ده وتكون مميز وتتشاف لازم تبقى فاهم كويس على اي اساس هتبني طبيعة شخصية البراند بتاعك، لأن زي ما اتفقنا في بداية المقال. All people do judge a book by its cover.
فا خليك فاكر ديما ان الدكتور بيبان من عنوانه ومن البراندينج بتاعه اللي بيوضح تقل وزن القيمة اللي بيمنحها للناس من شطارته وعلمه.
وبناءاً على ده لازم تحرص على انك تختار شركة الدعايا والإعلان المناسبة اللي تكون فاهمة كويس خدمة البراندينج Branding، وتعرف توظف كل الأدوات اللي محتاجها عشان تخلي شخصية البراند بتاعك كاريزما متتنسيش.

في آخر المقال حابب اشكرك على وقتك وبفكرك  ان الشركة BSMART creative agency بتقدم استشارات مجانية تماماً لمدة 15 يوم، فلو محتاج تعرف تفاصيل أكتر، تواصل معنا.