كتير من أصحاب الأعمال بما فيهم الـ Digital Marketing Agencies بيقعوا في فخ إنهم بيختصروا دور التسويق Marketing وسحره في فكرة البيع وبس..
وده أبعد تمامًا عن الحقيقة.. لأن لو بتدور على إنك تنجح وتوصل للقمة بين منافسينك فا مينفعش تخلي هدفك الأهم هو إنك تبيع، لأني جيالك النهاردة اساعدك تعرف ازاي تقدر تخلي جمهورك المستهدف بيحب يشتري خدماتك ومنتجاتك مش بس عشان يستفاد منهم.. لأ عشان هو بيحب يشتريهم هم دونًا عن أي براند تاني ممكن يكون بيقدم له فوايد أكتر…
كمل المقالة دي للأخر وانت هتعرف بالتفصيل إيه الطرق بخرايطها
فا خلينا نسأل الأسئلة المهمة، تفتكر إيه أقصر طرق البراند لقلب جمهوره؟
عشان توصل لغايتك في النجاح.. فا البيع مش وسيلتك الوحيدة
عزيزي القارئ خليني افكرك بحاجة كنت كلمتك عنها في مقال قبل كده، وهي إننا في التسويق بنتعامل مع البراند أو البيزنس على إنه شخص حقيقي من لحم ودم، بنبني له شخصية كاملة بكل تفاصيلها بما يتناسب مع العملاء اللي حابين انه يتواصل معاهم و يستهدفهم…
فا الشخصية دي عشان تكون قريبة من قلب جمهورها وتبني معاهم رابط قوي وولاء للبراند Brand Loyalty لازم تلعب على جزء مهم في مجال التسويق ومش هبقى ببالغ لو قلت إنه تقريبًا أهم الاستراتيجيات التسويقية اللي هتضمنلك مكانتك في السوق وهي الـ Brand Positioning Strategy
وهي عبارة عن المكانة اللي عايز تحط فيها البراند في عقل الجمهور، عايزهم يفتكروك امتى وازاى؟
بيدوروا على الأمان هيفكروا فيك، عايزين سرعة وجودة هيكلموك، محتاجين منتج بسعر كويس وعملي مش هيجي في بالهم غيرك وهكذا..
هتقولي طب ما ده كلام اتقال قبل كده كتير وكلنا عارفينه! مظبوط.. بس في نقطة مهمة وسط الكلام ده معظم أصحاب العمل بيشوفوا ان ملهاش لازمة أوي وهى الـ Greetings Content أو بمعنى أدق بوستات التهنئة اللي بتنزل في المناسبات سواء دينية أو خاصة بالدولة وأوقات كتير الأيام العالمية لو مناسبة لنشاط البراند واللي بيقدمه.. هتقولي انا كصاحب بيزنس هستفاد ايه؟ هل ده هيخليني أبيع واحقق ارباح؟
لأ مش هيخليك تحقق مبيعات إلا لو الموضوع متعلق بـعروض وخصومات بتقدمها ليها علاقة بالمناسبة..
بس زي ما قلتلك من شوية إن نجاحك وسط السوق مينفعش يكون وسيلته الوحيدة هي البيع، اللي بسببها ممكن تستنزف كل الموارد اللي معاك في الاتجاه الغلط.
أن يكون البراند ذوق وصاحب واجب في رواية جمهوره المستهدف
المكانة اللي بتثبت فيها البراند هنا هي إنه يبقى عامل زي المكالمة السريعة أو الرسالة القصيرة الخفيفة اللي بتجيلنا من اصحابنا وحبايبنا في كل مناسبة تسمح.. مين فينا حاجة زي كده مبتبسطوش؟
هنا انت عندك مساحة واسعة تقدر من خلالها تقول لجمهورك إنك معاه، وحابب تشاركه تفاصيله الصغيرة وبتنتهز أي فرصة عشان تقربله وتبني بينك وبينه رابط.. وتبقى أنت العلامة التجارية المفضلة عنده ويقعد ديمًا مستني يشوف كل جديد بتنزله.. زي ما كلنا بنستنى إعلانات رمضان وعيد الأم لبراندات معينة ونشوف هيعملولنا إيه السنادي..
عيد الأب: ماك VS جوجل..
وقد ما الموضوع يبان بسيط وسهل.. قد ما هو في أوقات كتير بيكون في ريسك لو حبيت تقدم إعلان كريتيف يـ Go Viral والناس كلها تتكلم عنه.. واللي أقرب مثال ممكن احكيلك عنه هو الفرق بين إعلان Mcdonald’s وبين إعلان Google Maps في اليوم العالمي للأب Father’s Day2022
قد ما إعلان ماك Trendy وبيستخدم تكنيك مهم جدًا وهو استغلال الأحداث والتريندات اللي بيهتم بيها الرأي العام Trend Jacking قد ما ناس كتير شافت إن الاستخدام ده مكانش في محله وإنهم مكانوش يتوقعوا المستوى ده من ماك في استغلال الترندات..
على العكس والجانب الآخر، Google Maps اللي قدمت مسدج قوية جدًا من خلال إعلان شديد البساطة لكن كان له تأثير قوي عند الجمهور والناس كانت شايفة إن Google مهتمة تتواصل مع عملائها وتكلمهم وتشاركهم أوقاتهم المختلفة بطريقتها الخاصة..
اللي بالمناسبة خليني اقولك إن جوجل من أكبر وأحسن المحركات اللي بتستغل بشكل كبير جدًا الأحداث والمناسبات عشان تبني شخصية قوية ليها عند الناس وده من خلال ما يسمى بالـ Google doodles اللي هو عبارة عن تغيير الديزاين الخاص بيها بما يتناسب مع الذكرى أو المناسبة اللي حابة تحتفل بيها مع الناس.
وده اللي اشتغلنا عليه في عيد الأب السنادي في Bsmart Creative Agency.. إننا نعمل إعلانات لبراندات مختلفة تبين ازاي تقدر تستغل المنتج أو الخدمة اللي بتقدمها عشان تشارك جمهورك في المناسبات المختلفة من خلال لغة مشتركة بينكوا
الخلاصة
التسويق هو عبارة عن الطريقة اللي بتحكي بيها قصة البراند للجمهور، وعشان تقدر تحكي القصة دي بأفضل طريقة تخليهم ميقوموش ويسيبوك في نصها فا أنت محتاج ما بين كل الـ Digital Marketing Agencies المختلفة الموجودة، انك تختار تيم Marketing فاهم عناصر التسويق كلها كويس وأهميتها وازاي يستغلها لصالحك.. ويبقى معاه خريطة أقصر طرق البراند لقلب جمهوره.. ,عشان اسهلها عليك وعايزاك توصل بسرعة وبالسلامة، هتلاقي اللي بتدور عليه في Bsmart Creative Agency
تواصل معانا دلوقتي واحنا هنقولك كل التفاصيل اللي ناقصاك عشان تحط البيزنس الخاص بيك على الطريق الصح.